Menu
دەستەی قورئان لە‌بە‌رانی نوری حیكمە لە ساڵی 2020 بەبڕیاری ئەنجومەنی باڵا دامە‌زراوە و ڕاستە‌وخۆ سە‌ر بە بە‌ڕێوە‌بە‌رایە‌تی گشتی پە‌روە‌ردە‌ی نوری حیکمەیە.
ئە‌ركی سەرەكی ئەم دەستەیە سە‌رپە‌رشتیكردنی قورئان لە‌بە‌رانەو کار دەکات بۆ پە‌رە‌پێدانی توانست و لێھاتووییان لە ڕێگای ھە‌ڵسە‌نگاندنی بەردەوام و كۆر و سیمینار و خولی تایبەت.
لەئێستادا نوری حیکمە زیاتر لە 220 قورئان لەبەری هەیە لەهەردوو رەگەزی خوشکان و برایان لەنوسینگە و سەرجەم لق و بازنەكان
كارگێڕی دەستەی قورئان لەبەران چەند نوێنەرێكی داناوە و دابەشی كردوون بۆ چەند زۆنێك بەپێی هەڵكەوتەی جوگرافی لق و بازنەكانی دەزگا بەمەبەستی هەبوونی پەیوەندی نزیك و زیاتر لەنێوان قورئان لەبەران و كارگێڕی دەستە
١-بەڕێوەبردنی حەلەقاتی موراجەعەی قورئانی پیرۆز
هەر قورئان لەبەرێكی دەزگا دوای لەبەركردنی تەواوی قورئانی پیرۆز، دوای پڕكردنەوەی فۆڕمی تایبەت دێتە ناو دەستەی قورئان لەبەران و بەشدار دەبێت لە حەلەقاتی موراجەعە كە لەچەند ئاستێكی جیاواز پێك دێ و هەر ئاستێك ئەندازەی موراجەعەی ڕۆژانە و هەفتانەی تایبەت بەخۆی هەیە و لەڕێگای سەرپەرشتیارێكەوە قورئان لەبەران موراجەعەكانیان ئەنجام دەدەن
٢-ئەنجامدانی هەلسەنگاندنی قورئان لەبەران
لەكۆتایی هەموو ساڵێكی زایینی دەستەی قورئان لەبەران هەڵدەستێت بەئەنجامدانی هەڵسنگاندن بۆ قورئان لەبەران لەڕێگای لێژنەی باڵای هەلسەنگاندنی قورئان لەبەران و ئەوانەی دەردەچن بڕوانامەی تایبەت وەردەگرن و لەئاهەنگێكی شایستە خەڵات و ڕێزلێنانیان پێشكەش دەكرێ
٣-ئەنجامدانی ئاهەنگی نوری حیكمە بۆ قورئان لەبەران
ساڵانە ئەو ئاهەنگە ئەنجام دەدرێت بۆ ئەو قورئان لەبەرانەی كە لەهەلسەنگاندن دەردەچن و سوپاس بۆ خوای گەورە تا ئێستا چوار ئاهەنگی نوری حیكمە ئەنجامدراوە
٤-پڕۆژەی ڕەمەزانی قورئان لەبەر
پڕۆژەیەكە ساڵانە لەمانگی ڕەمەزان ئەنجام دەدرێت تیایدا قورئان لەبەر لەو مانگە پیڕۆزە بەرنامەیەكی تایبەتی بۆ دادەنرێت بۆ موراجەعە و خەتم كردنی قورئان و خوێندنەوەی كتێبێك و سەیركردنی چەند وانەیەكی تایبەت بە تەفسیر و تێڕامانی قورئانی پیرۆز
٥-پڕۆژەی سەردی قورئانی پیرۆز
پڕۆژەیەكە ساڵانە یەك جار ئەنجام دەدرێ تیایدا قورئان لەبەران هەوڵ دەدەن لەماوەی یەك ڕۆژ تەواوی قورئانی پیرۆز بەلەبەر بڵێنەوە و خەتمی بكەن
